Ah Hkyak ai Files ni hpe delete hkrup kau ai rai yang

Lama na computer kata kaw nga ai ahkyak ai file langai hpe delete hkrup kau ai ngu ga. Dai shaloi computer kata kaw file ni hpe bai jan bang ai zawn re ni, files ni hpe bai delete ai zawn re ni kaji mi mung ngalaw ga. Dai hku galaw hkrup kau ai rai yang delete hkrup kau ai files ni hpe bai lu na matu ahkaw ahkang nau nlu sai hku re.

Delete kau hkrup kau ai hte hpe kalang ta chye ai hte Free jaw ai Recuva hpe lang na bai mai tam la lu nga ai. Chyam yu ga!

Dai hte maren sha, Memory Stick kata kaw, MP4 kata kaw na file ni, Digital Camera kata kaw na files ni hpe delete hkrup kau ai rai yang mung hpang kalang sumla ni hpe bai nkahtap gayet ga, files ni bai kahtap bang ai zawn re ni mung ngalaw ga.

Kalang lang gaw Virus a majaw mung files ni, Folder ni mat mat chye ai. hten mat ai nre nga ai. Dai shaloi XYplorer hpe lang na Hidden byin ai ni hpe bai mu lu nga ai. ngut jang bai mai shapraw la lu nga ai.

Bai na langai gaw.....Recovery Software ni hta nbung ai lam ni nga ai. Dai gaw nkawm mi gaw FAT32 kaw sha atsawm sha bungli galaw ya lu na. Nkawm mi gaw NTFS kaw sha atsawm sha bungli galaw ya lu nga ai. Ya ndai ten hta gaw HDD yawng gaw NTFS sha rai ma sai. NTFS a matu gaw Active Undelete gaw kaja nga ai. Active gaw galaw shapraw ai shagu gaw kaja ai sha rai nga ai. Shan hte na Product ni a lam hte NTFS lam ni gaw www.ntfs.com kaw mai sa hkaja la nga ai.

Memory Stick ni Memory Card ni kaw files ni delete hkrup kau ai rai yang Active na Product ni nmai lang sai. Sumla ni bai tam na rai yang PhotoRescue hpe mai lang nga ai. Laga file hpan rai yang gaw Pandora Recovery hpe mai lang nga ai. Ngai gaw nchyam ga yu shi ai. Raitim site law malaw kaw tang madun da nga ai. Ngut na Freeware mung rai nga ai