Intel Processors

Pentium 4 hpe yawng gaw chye na sai. P4,P4 ngu na grai na ming kaba ai le i? Ya gaw P4 ngu ai gaw grai na enddate byin mat sai le i? Dai hta n'ga P4 hpang e pru wa ai Intel na CPU ni a lam hpe atsawm sha chye ai ni nau nnga nga ai. Dai kaw ngai mung lawm ai.Hpa majaw i nga yang P4 hpang de IT hpaji gaw grai na rawt jat wa ai. ngut na grai na myit shuk shak na zawn re technology ni rawt jat wa ai majaw mung rai nga ai.

Intel Company gaw Pentium 4 hpa e sha praw ai Processor ni gaw...
1. Pentium D & Celeron D
2. Pentium (Dual Core) & Celeron (Dual Core)
3. Core2 Duo
4. Core2 Extreme
5. Core2 Quad
6. i7 ni rai nga ai.


Atsawm sha hkaja ga nga yang Pentium 4 ngut jang Pentium D rai nga ai. Pentium D ngut jang Pentium ngu na hpa kaw hpa nlawm ai sha shapraw dat nga ai. Raitim mung ya dai Pentium hpe Dual Core ngu na yawng gaw chye da nga ai.

Pentium 4 du hkra 32bit rai na Pentium D kaw na hpang na 64bit ni byin wa nga ai. 32bit 64bit ni ngu ai gaw CPU kata kaw na register ni kaw zing da ai data manu hpe tsun mayu nga ai.

Dual Core ngu ai gaw CPU kata kaw Core lahkawng lawm ai ngu ai hpe tsun mayu nga ai. Normal CPU langai kaw Core langai sha lawm nga ai. Core kata kaw ALU(Arithmetic Logic Unit),CU (Control Unit), hte Register ngu na daw masum nga ai. Dual Core hpaji gaw Normal CPU lahkawng hpe langai sha byin hkra pawng kau ai hte pung nga ai.
Dual Core ngut jang dai Company kaw na sha praw dat ai gaw Core2 Duo rai nga ai. Core2 Duo hte Dual Core ngu na yawng shaga ai Pentium hte hpa shai ai i nga yang Features nnan lawm ai nlawm ai ngu ai shai nga ai.Dai hta nnga Core2 Duo gaw Dual Core hta grau kaja ai ngu na mung nlu tsun lu nga ai.Gashadawn Intel Pentium E5300 hte Intel Core2Duo E4300 hpe shing daw yu ga nga yang, Pentium E5300 gaw Clock Speed grai na law ai hpe mu lu nga ai.Dai majaw Dual Core ( Pentium ) hte Core2 Duo hpe shing daw yang Process Number (Exxxx) ni hpe atsawm sha chye yang she mai shing daw yu nga ai

Core2 Duo hte Core2 Extreme mung dai hte maren sha re.

Core2 Duo hte Core2 Quad a shai ai lam hpe chye na nga yang grai na loi nga ai. Core2 Quad gaw Core 4 lawm nga ai.